ဒီရက်ပိုင်းမှာ ကဗျာစာအုပ်တွေအကြောင်း ပြောလက်စနဲ့ ဆက်ပြောလိုက်ပါမယ်။
ဇေယျာလင်းရဲ့ တကယ့်ဘ၀ဆိုတဲ့ စာအုပ်တစ်အုပ်အကြောင်းပဲဖြစ်ပါတယ်။
စကားပြေကဗျာများလို့ အမည်တပ်ထားတဲ့ ဇေယျာလင်းရဲ့ ကဗျာတွေဟာ
အရင်ကဗျာစာအုပ်တွေမှာ တွေ့နေကျ ကဗျာတွေထက်
အနည်းငယ် အပြောင်းအလဲဖြစ်စေမှာတော့ အမှန်ပါပဲ။ ဒီကဗျာစာအုပ်ဟာ ဇေယျာလင်းကို
လက်ခံတဲ့ ပရိသတ်တွေအတွက်တော့ အဆာပြေစားစရာတစ်ခု ဖြစ်မှာပါ။
စကားပြေကဗျာတွေနဲ့ပတ်ပြီး စာအုပ်နောက်ကျောဖုံးမှာ ရှင်းလင်းချက်ထုတ်ထားခဲ့တာကတော့ …
– စကားပြေကဗျာ Prose Poem ဟာ တော်တော်ဂွကျတဲ့ စာပေအနုပညာ ပစ္စည်းတစ်ခု
ဖြစ်ပါတယ်။ ဘာကြောင့် ဂွကျလဲဆိုတော့ ဒီပစ္စည်းဟာ စကားပြေအရေးအသားမျိုးဖြစ်ပေမယ့်
ကဗျာအမျိုးအစားထဲ ပါဝင်နေလို့ပါပဲ။
– စကားပြေကဗျာကိစ္စဟာ စာပေအနုပညာဆိုင်ရာ ပြဿနာတစ်ခုလို
စာပေအနုပညာပစ္စည်းတစ်ခုလည်း ဖြစ်ပါတယ်။
– စကားပြေကဗျာဟာ ကမ္ဘာပေါ်မှာ တရားဝင်ပေါ်လာတာ ၁၉ရာစု ကလို့ဆိုပါတယ်။
– စကားပြေကဗျာဟာ စကားပြေလား၊ ကဗျာလား။ စကားပြေလို့ သတ်မှတ်ကြသူတွေရှိသလို
ကဗျာလို့သတ်မှတ်သူတွေလည်း ရှိပါတယ်။ ဒီနှစ်ခုလုံးမဟုတ်ဘဲ သီးခြားအမျိုးအစားလို့
ပြောသူတွေလည်း ရှိပါတယ်။
– စကားပြေကဗျာဟာ ဖတ်သူရဲ့ စကားပြေပေါ်အမြင်နဲ့ ကဗျာအပေါ်အမြင် နှစ်ခုစလုံးကို
ပြန်သုံးသပ်စေပါတယ်။ စကားပြေကဗျာရဲ့ သဘောသဘာဝနဲ့ လုပ်ငန်းတာဝန်တွေအပြင်
စကားပြောနဲ့ကဗျာ စည်းတားခွဲခြားထားတဲ့ နယ်ခြားမျဉ်းရဲ့ သဘောသဘာဝနဲ့
လုပ်ငန်းတာဝန်တွေကိုပါ ပြန်လည်လေ့လာအကဲဖြစ်စေပါတယ်။
အမှာစာ မပါတဲ့ ဒီကဗျာစာအုပ်မှာ ပါမယ့် စကာပြေကဗျာတွေအကြောင်းဟာ
အပေါ်ကဖွင့်ဆိုချက်တွေနဲ့ လုံလောက်နိုင်စရာရှိပါတယ်။ ကိုမိုးဆတ်ရဲ့ပြောစကားအရဆိုရင်
ကဗျာတွေအားလုံးကို ဇေယျာလင်းစီမံတာဖြစ်တဲ့အတွက် ဇေယျာလင်းစံတော့မီပါတယ်။
တစ်ချို့ကဗျာတွေဟာ အင်္ဂလိပ်ကနေ မြန်မာလိုကို ဘာသာပြန်ထားတဲ့ ပုံစံမျိုးတွေ့ပါတယ်။
ဒီလိုပါ။ အင်္ဂလိပ်လို အရင်ချရေးထားခဲ့ဖူးတဲ့ ကဗျာတစ်ပုဒ်ကို နောက်ပိုင်းရောက်တဲ့အချိန်မှ
မြန်မာလိုပြန်ဆိုပြင်ရေးလိုက်တဲ့ ပုံစံမျိုးပါ။ ကျွန်တော်ရဲ့ ထင်မြင်ယူဆချက်ဖြစ်တာမို့
ဒီအဆိုပြုချက်ဟာ လွဲချင်လည်း လွဲနိုင်ပါတယ်။ ဒီစာအုပ်မှာ စကားပြောကဗျာ ၇ ပုဒ်ပါခဲ့ပါတယ်။
၁) ဒီစာကိုဖတ်ပြီးရင် မနက်ဖြန်ကို မှတ်မိမှာ မဟုတ်ဘူး
၂) ကျွန်တော် ခင်ဗျားရဲ့ လေဟာနယ် နည်းနည်းယူမယ်နော်
၃) နယ်နိမိတ်များကိုလေ့လာခြင်း
၎) မြင်ကွင်းတွေမှာ မြူလိုလိုမျိုး
၅) ခံစားမှု ရုန်းကြွအနေအထားများ
၆) သဘာဝဆိုတာလည်းမကျ၊ အဓိပ္ပာယ်ဆိုတာလည်းမရှိ
၇) ဟုတ်တိုင်းမှန်စွာ တိတိကျကျတစ်ပြားမလျော့
ကဗျာတွေကို မဖတ်ခင်မှာ စာအုပ်ရဲ့ခေါင်းစဉ်ဖြစ်တဲ့ တကယ့်ဘ၀ ဆိုတာကို
သတိရနေဖို့ လိုအပ်မယ် ထင်ပါတယ် ။ ဇေယျာလင်းရဲ့ တကယ့်ဘ၀လား။
ဘာရဲ့ တကယ့်ဘ၀လဲ။ ဆိုကြပါစို့ဗျာ။ သူကဗျာတွေဖတ်ကြည့်ခဲ့ပြီး ဒီလိုပြန်တွေးကြည့်တယ်။
ဒါဟာ ကျွန်တော့်ရဲ့ တသီးပုဂ္ဂလ ခံစားကူးယှက်မှုတစ်ခုသာဖြစ်ပါတယ်။
ဘ၀ဟာ ထိုးဇာတ်လောက်တိကျခဲ့ရင် ခင်ဗျားနဲ့ ကျွန်တော်ဟာ ကဗျာတစ်ပုဒ်ထဲ
ရေဆင်းချိုးဖြစ်ချင်မှ ကူးဖြစ်မှာ (စာ ၇)၊ ကျွန်တော်ဟာ ထိုးဇာတ်မဟုတ်ပါဘူးဆိုတာကို
ဘယ်လို အယူခံဝင်ရမလဲ။ ကျွန်တော်သားစပ်ပြရမလား။ (စာ ၁၃)
သံသယ သံသရာ (စာ ၉)၊ ချစ်ဇနီးအပေါ် သစ္စာရှိမှုနဲ့ မိန်းမလှတွေရဲ့ ရင်ခွင်ထဲမှာ
တရှုံရှုံမျက်ရည်ကျနေခိုက် သူမဟာ ချစ်လင်ပြန်မလာမချင်း အိပ်မက်တွေတစ်နေကုန်ယက်။
တစ်ညလုံးပြန်ဖြည်။ နောက်နေ့ပြန်ယက်။ သံသယတန်ကျင်ကို ပျာယိပျာယာ သာယာရ (စာ ၁၅)
‘ဘယ်သူ့အတွက်”မှန်ကန်’တာလဲ။ (စာ ၁၂)၊ အဲဒီမှန်ကန်ကြီးထဲက ဖြတ်သန်းလာတဲ့နေရောင်ကို
ခင်ဗျားလည်း ပိုင်တယ်(စာ ၁၃)၊ ခင်ဗျားရဲ့ ကိုယ်ပိုင်ကြည်လင်ပြတ်သားနေတဲ့ ကန်ရေပြင်ထဲ
ဘာသာပြန်ထားတဲ့အမှန်တရားကို ပြန်ဘာသာပြန်ရတဲ့ အခက်အခဲပြဿနာဖြေရှင်းရာမှာ
တုန့်ကနဲ ရပ်သွားတယ်မဟုတ်လား။ စာ(၁၈)
ကျွန်တော်ပြောနေတာ မဟုတ်ဘူးဆိုတာကိုတော့ ခင်ဗျားလက်ခံရမယ်နော်။ နားမလည်ရင်နေ
လက်တော့ခံရမယ်နော်။(စာ ၁၂) ကျွန်တော့်တာဝန်ဟာ ရေးမှတ်ဖို့ တစ်ခုတည်း။ အစစ်အမှန်ပြုဖို့
မဟုတ်ဘူးဆိုတာ ခင်ဗျားလည်းသဘောပေါက်ပြီးရောပေါ့။ (စာ ၁၉)၊ ကျွန်တော်တို့ မှတ်တမ်းများအရ
ပြန်ကောက်ရရင် ‘ကြံရည် ဖန်ရည် ရှိသလောက် ‘ အပြန်အလှန် နားမလည်မှုကို နောက်ဆုံးပေါ်
အခြေအနေရောက်အောင် တမင်တကာရည်ရွယ်ထားတဲ့ ပုံဖော်မှားယွင်းပြုလုပ်ချက်မှာ
စတင်တွေ့ရှိရတယ်။ ဘာသာစကားအားဖြင့် ဖွင့်ဟပြောဆိုခြင်းဆိုရာ ရှုပ်ထွေးနက်နဲတဲ့
ကြိုးစားအားထုတ်မှုတွေဟာ ဆိုးဝါးတဲ့ထောင်ချောက်တွေ ဖြစ်သွားကြတယ်။
ဒါပေမယ့် မရှိတော့တဲ့ သို့မဟုတ် စကတည်းက မရှိခဲ့ဘူးတဲ့ အရာကို ပုံမှန်လုပ်လက်စ
လုပ်စမြဲလုပ်ဖို့ ခင်ဗျားဖြစ်ဖြစ်၊ ဘယ်သူဘယ်ဝါဖြစ်ဖြစ် လုပ်နိုင်ပါ့မလား(စာ ၂၆၊ ၂၇)
အပေါ်က အချက်က လေးချက်ဟာ ကဗျာတစ်ပုဒ်မှာပါတဲ့ အကြောင်းအရာတစ်ခုကို
နောက်ထက်ကဗျာတစ်ပုဒ်မှာ ဆန့်ကျင်ဖက်(သို့မဟုတ်) အပြိုင်အနေဖြင့် ရှိနေခဲ့တဲ့
အကြောင်းအရာတွေကို ဥပမာအနေနဲ့ ဆွဲထုတ်စုစည်းကြည့်ခြင်းဖြစ်ပါတယ်။
ဒီလိုလုပ်ကြည့်ရတဲ့ အကြောင်းအရင်းကတော့ ကဗျာတွေဟာ တစ်ပုဒ်နဲ့တစ်ပုဒ်
တွန်းကန်နေခဲ့တာ၊ ကဗျာတစ်ပုဒ်မှပါတဲ့ စကားလုံးတစ်ခု နောက်ထပ်ကဗျာတစ်ပုဒ်မှာ
ရှိနေတဲ့ စကားလုံးတစ်ခုကို လှမ်းချိတ်ဆက်လိုက်တာ၊ ကဗျာတစ်ပုဒ်မှာပါတဲ့
အဆိုပြုချက်တစ်ခုကို နောက်ကဗျာတစ်ပုဒ်မှာ ငြင်းချက်ပြန်ထုတ်လိုက်တာ၊ ဆန့်ကျင်
လိုက်တာ ဒါတွေဟာ စိတ်ဝင်စားစရာ ကောင်းနေတဲ့အတွက်ပါ။
ဒါဟာလိုအပ်သလားလို့ မေးလာရင် သိပ်တော့မလိုအပ်ပါဘူး။ ကဗျာတွေဖတ်ကြည့်မယ်။
စကားလုံးတွေနောက်လိုက်သွားကြည့်မယ်။ နောက် ထပ်ဆင့်ကွန့်မြူးတွေးတောကြည့်မယ်။
ဒီလောက်နဲ့ ရပ်ထားရင်လည်းရပါတယ်။ စကားပြေ ကဗျာတွေဟာ ဖတ်သူရဲ့ စကားပြေပေါ်
အမြင်နဲ့ ကဗျာအပေါ်အမြင်တွေကို ပြန်သုံးသပ်စေပါတယ်လို့ ဆိုခဲ့တယ်မဟုတ်လား။
ကျွန်တော်လုပ်ဆောင်ကြည့်ခဲ့မိတာကတော့ ဇေယျာလင်းရဲ့ စကားပြောကဗျာတွေဟာ
ဇေယျာလင်းရဲ့ တကယ့်ဘ၀ကို ရည်ညွှန်းခြင်းပြု၊ မပြု ဆိုတာကိုဖြစ်ပါတယ်။
ဇေယျာလင်းရဲ့ စကားပြေကဗျာတွေဟာ ယိမ်းထိုးနေပါတယ်။ ခိုင်မာတဲ့ ဦးတည်ချက်
မရှိဘူးလို့ ပြောရင်လည်းရပါတယ်။ ဝေေ၀၀ါးဝါးနဲ့။ အဆုံးသတ်ဟာ အဆုံးသတ်မဟုတ်သလို၊
မျက်နှာစာသစ်ဖွင့်ပြီး အရှိတရားကိုပဲ နင်းပြောနေသလို။ မသေချာ မရေမရာမှုတွေနဲ့။
ပိုင်နိုင်သလိုလိုနဲ့ မပိုင်နိုင်တာတွေ၊ ရုန်းထွက်မလိုလိုနဲ့ တ၀ဲလည်လည်ဖြစ်နေတာတွေ၊
ပြင်ပရောက်မလိုလိုနဲ့ အတွင်းမှာပဲ ပြန်ပျော်ဝင်သွားတာတွေနဲ့ ပြည့်နှက်နေတာပါပဲ။
ဒါဟာလည်း သိပ်တော့မဆန်းပါဘူး။ ခေတ်ပေါ်အနုပညာလက်ရာတိုင်း ဒီလိုကြီးပါပဲ။
ခေတ်ကိုက ယိမ်းထိုးနေတဲ့အတွက် အနုပညာစိတ်(နည်းသည်ဖြစ်စေ၊ များသည်ဖြစ်စေ)နဲ့
ရှင်သန်တွေရဲ့ ရပ်တည်မှု၊ ခံစားချက်တွေဟာလည်း ခေတ်နဲ့လိုက်ပြီး ယိမ်းထိုးနေမှာအမှန်ပါပဲ။
စကားပြေကဗျာတွေကို ဖန်တီးရေးသားပြခဲ့ခြင်းဟာ ဇေယျာလင်းကို ဘာမှတော့
ပြောင်းလဲမသွားစေပါဘူး။ အရင်ဇေယျာလင်းနဲ့ အခုဇေယျာလင်းဟာ အတူတူပါပဲ။
အသစ်ဖြစ်သလားလို့မေးရင် အသစ်တော့ မဖြစ်ပါဘူး။
ဆိုလိုချင်တာက။ ၀က်သားဟင်းစားရတာအီလာလို့ ကြက်သားဟင်း ပြောင်းစားပေမယ့်
အသားစားတာဟာ အသားစားတာပဲ ဖြစ်တယ်ဆိုတဲ့သဘောပါ။ အသစ်ဖန်တီးမှုတွေကို
ငတ်မွတ်နေတဲ့သူတွေအတွက်ရော ဇေယျာလင်းရဲ့ ပရိသတ်တွေအတွက်ရော
တကယ့်ဘ၀ စကားပြေကဗျာတွေဟာ အဆာပြေစားစရာတစ်ခု ဖြစ်စေခဲ့တာ အမှန်ပါပဲ။
ဇေယျာလင်းရဲ့ စကားပြေကဗျာတစ်ပုဒ်ကို မြည်စမ်းကြည့်တာပေါ့။
ဒီစာကို ဖတ်ပြီးရင် မနက်ဖြန်ကို မှတ်မိမှာမဟုတ်ဘူး။ စာမျက်နှာ လှန်နိုင်သေးလား။
အိပ်ခန်းထဲ ငါးသွားမျှားတာကပဲ ပိုကောင်းမလို။ သိပ်ပြီးအရိပ်ဆန်တာတော့ မဟုတ်ခဲ့သလိုပဲလို့
နောက်ကွယ်ကြိုးဆွဲက မင်းသမီးရုပ်သေးရုပ်နဲ့ ပြည့်ဝစွာပန်းဆွတ်ပြီး ဇိမ်ညည်းညည်းတယ်။
ပညာရေး အဲတာက အဓိက။ မသေမချင်း သင်ယူစရာ တစ်ပုံကြီးရှိနေသေးတော့
ဘယ်သူဟာ တက္ကသိုလ်ဘွဲ့ရလဲ။ ဘ၀ဟာ ထိုးဇာတ်လောက်တိကျခဲ့ရင် ခင်ဗျားနဲ့ ကျွန်တော်ဟာ
ကဗျာတစ်ပုဒ်ထဲ ရေဆင်းချိုးဖြစ်ချင်မှ ကူးဖြစ်မှာ။ မာယာအများဆုံး၊ အသေးစိတ်အတိကျဆုံး
ဇာတ်ကျောပဟေဋ္ဌိဖွဲ့သူနဲ့ စိတ်ချင်းစီးချင်းထိုးရတာဟာ တောင်ထိပ်ကိုရောက်ပြီး
တောင်ကို မမြင်ရသလိုပဲ။ ပြင်သစ်တစ်ယောက်ပြောဖူးတာကတော့ သူဟာ အဆုံးမဲ့နောက်ကြောင်း
ပြန်ခြင်းနဲ့ အဆုံးမဲ့ရှေ့တိုးနေခြင်းရဲ့ မြေဇာပဲတဲ့။ ၀ံပုလွေများ၊ နှင်းခဲများ၊ ပင်ပန်းဒုက္ခစိုက်ရခြင်းများရဲ့
ဖခင်ဂျက်လန်ဒန်ဘာပြောဦးမလဲ မသိဘူး။ လူတစ်ယောက်ရဲ့ ရေးဟန်ဟာ အမြဲတမ်း
အသားတက်ဖို့ လိုနေတယ်။ အသံမဲ့သူများကို အသံပေးရမှာ။ ကိုယ်စားအသံဟာ ကြာလာတော့
ကာယကံရှင်ကို ၀တ္တုလုပ်ပစ်တယ်လို့ ၁၅ရာစုက မထင်မရှားကိုးကွယ်မှုရဲ့ ဘုန်းကြီးတစ်ပါး
မှတ်သားမိတာကို ဘယ်မှာတွေ့ခဲ့မှန်းမသိဘူး။ ဒီအကြောင်းကို တစ်နေ့ကဘဲ ကျွန်တော်သူ့ကို
ပြောခဲ့တယ်။ အသိသက်သေတော့ မရှိဘူးပေါ့။ ဒါပေမယ့် အချက်အလက်စုဆောင်းခြင်း ၊
အရာရာတန်ဖိုးဖြတ်ချင်းထဲမှာ မိမိကိုယ်ကို ဖြတ်တိုက်သွားတဲ့ လေပြည်ဘယ်နှစ်အောင်စပါသလဲ။
နေ့စဉ်ဘ၀ရဲ့ အစွယ်ဖွေးဖွေးကြီးတွေ၊ အမွှေးထူထူကြမ်း ကြမ်းကြီးတွေရဲ့ မျက်လုံး။
ဘာသာစကားဟာ သင်ခန်းစာကိုဖြတ်ပြီး အတွေ့အကြုံကိုရောက်တယ်။ သင်ခန်းစာဟာ
အတွေ့အကြုံကိုဖြတ်ပြီး ဘာသာစကားကိုရောက်တယ်။ အတွေ့အကြုံဟာ
ဘာသာစကားကိုဖြတ်ပြီး သင်ခန်းစာကိုရောက်တယ်။ ဒါပေမယ့် ကျွန်တော်စကားစ ပြန်ကောက်
ပါရစေ။ ခရမ်းချဉ်သီးနီနီတစ်လုံးကို ကျွန်တော့်ပါးစပ်ထဲထည့်ပြီး ကိုက်ပစ်လိုက်တာ
‘ဗျစ်’ ခနဲပဲ။ ခရမ်းချဉ်သီးရဲ့ ချက်ကြိုးဟာ ကျွန်တော့်ကို ‘တကယ့်ဘ၀’ အကြောင်း မပြောဘူး။
တစ်ကမ္ဘာလုံးမှာ သူတစ်အုပ်ထဲရှိ၊ လူတိုင်းလည်း လက်လှမ်းမီနိုင်ပြီး လိုအပ်သမျှအဖြေပါတဲ့
စာအုပ်ထဲမှာ ကျွန်တော်မတွေ့တာ နှစ်ခုပျမ်းမျှရှိတယ်။ (၁) ခင်ဗျားရဲ့ စိတ် (၂) ခင်ဗျားရဲ့စိတ်နဲ့
ဖုံးထားတဲ့ ခင်ဗျားရဲ့ စိတ် (၃) ခင်ဗျားရဲ့ စိတ်ဟာ ခင်ဗျားကို သိ၊ မသိ။ ‘ကျွန်မရဲ့ အဖြစ်အပျက်
အားလုံး၊ ခံစားမှုအားလုံး၊ ဆက်စပ်မှုအားလုံး၊ အဓိပ္ပာယ် ပဋိပက္ခအားလုံးကို ကျွန်မ သူတို့ချည်းအတိုင်း
မကွယ်မ၀ှက်ပြောချရရင် ကျွန်မကိုယ်တိုင်တောင် ကျွန်မယုံမှာ မဟုတ်ဘူး။’ သူမဟာ ဘယ်သူလဲ။
အရှိန်နဲ့ ပြေးနေတဲ့ လျှပ်စစ်ရထားပေါ်က ခုန်ဆင်းပြီး သိုးကလေးတစ်ကောင်ကို
ဘာကြောင့်သွားကယ်တာလဲ။ ဘာဖြစ်လို့ သူမရဲ့ မျက်နှာပေါ်မှာ ကြေကွဲမှုနဲ့ ကပ်နေတဲ့
မျက်နှာဖုံးအပြုံးရှိနေတာလဲ။ သန်းခေါင်ယံထိတ်လန့်တုန်လှုပ်မှုမှာ ချုပ်ရိုးတွေပြေနေတယ်။
ပျှော်ရွှင်မှုနဲ့ အဆုံးသတ်တဲ့ဇာတ်လမ်းဟာ လျော့ရိလျော့ရဲ ဆီလျော်ပေမယ့် နည်းနည်း ချဉ်စော်
နံမနေဘူးလား။ အဲဒါကြောင့် ဖြစ်မယ်။ ပင်လယ်လိပ်ကြီးတွေ သဲကန္တာရကို ဖြတ်ပြီး
တစ်ဖက်ပင်လယ်ဆီသွားနေကြတာကို လေယာဉ်ပျံပေါ်က မြင်ရတယ်တဲ့။ အစကတော့
မိမိရဲ့ ဇာတိနောက်လိုက်တာဟာ အမှန်ဆုံးပဲ ထင်ဖူးကြတယ်။ ကျွန်တော်တို့ဟာ ကိုယ့်ကိုယ်ကို
အဆင်ပြေသလို လှည့်စားနေထိုင်တတ်တဲ့ ပညာမှာ တစ်ဖက်ကမ်းခပ်ပဲ။ ဘ၀ဆိုတာ
ခြေသလုံးအိမ်တိုင်ပေါ်က စုတ်ပြဲနေတဲ့ အ၀တ်စတစ်ခု ဖြစ် မဖြစ် ခင်ဗျားလည်း တွေးဖူးမှာပါပဲ။
တွေးပြီး ဘာဖြစ်သလဲ။ ဘာမှမဖြစ်ပါဘူး။ ပညာသည်ပီသစွာ ပင်လယ်ကမ်းခြေတစ်ခုရဲ့
ညနေခင်းလိုလိုမှာ ပက်လက်ကုလားထိုင်တစ်လုံးလိုလိုနဲ့ ကိုယ်နှစ်သက်ရာ ကာမဂုဏ်အာရုံ
တစ်ခုခုနဲ့ လူမှုရေးမျက်နှာဖုံးစွပ်ပြီး လူလိမ္မာချောဆီလူးနေမှာပေါ့။ မိန်းမပျိုလေးရဲ့ ဘယ်ဘက်
ရင်သားရဲ့ ရင်သီးအောက်က မှဲ့ကလေးဟာ အထူးချိုမြိန်တယ်ဆိုပဲ။ ဟော… ရထားခုတ်မောင်းသံဟာ
မိုးသံဖုံးသွားပြီ။ ခွင့်လွှတ်ပါ။ ကျွန်တော်လမ်းချော်သွားပြန်ပြီ။ ရှင် ကျွန်မကို တကယ်ချစ်ရင်
ကျွန်မကို လုပ်ပေးပါ။ ဟင့်အင်း၊ ဟင့်အင်း … လုပ်ပေးပါ။ ကျွန်မကို လုပ်ပေးပါ။ ရာသီဥတု
အပြောင်းအလဲကို ရံဖန်ရံခါ လိုအပ်တယ်။ မိစ္ဆာကောင်ရဲ့ ခြေသည်းအောက်မှာ အခုဘာရာသီလဲ။
ဇလဗေဒအားဖြင့် ပိုပြီးအေးခဲနေတတ်တာဟာ ခရီးသွားအပြန် လှန်ကြည့်တဲ့ ဓာတ်ပုံတစ်ပုံထဲ
ကောက်ရမိပြန်ရော။ ဒါပေမယ့် အဲတာ ဘာမှမဆိုင်တဲ့ အပြင် လိုရင်းနဲ့ လွဲချင်တိုင်း လွဲနေပြန်တယ်။
အခုကျွန်တော့် ခေါင်းထဲမြည်နေတဲ့ အသံက သူမရဲ့ ပဲ့တင်တွေပဲ။ ရှက်ဖို့လည်း ကောင်းလိုက်တာ။
ဒါပေမယ့် စိတ္တဇဆန်ဆန်ချိုမြိန်မှုအပြည့်။ ကျွန်တော် ဘယ်လိုပြောရမလဲဗျာ။ ကူပါဦး။ ခင်ဗျားဆို
ကျွန်တော်နားလည်အောင် ဘယ်လိုပြောမလဲ။ သံသယ သံသရာ။ ဒီစာဟာ လူတစ်ယောက်အဖို့
ကဗျာဆရာဖြစ်အောင် ဘယ်လိုနေထိုင်ရမယ်လို့ အဓိပ္ပာယ်အစအနတောင် မပေးတဲ့အတူ
ဘာကြောင့် သစ်ရွက်တစ်ရွက်၊ လေစိမ်းတစ်ခု၊ ကမ်းခြေတစ်ထည်လို ရှိနေတာလဲ။
သို့မဟုတ် အဇ္ဇျတ္တဂီတပညာရှင် သို့မဟုတ် စံချစ်သူ၊ စံအိမ်ထောင်ဘက် သို့မဟုတ်….။
မုတ်သုန်မိုးပြင်းတွေဟာ တွင်းအောင်းမြွေတွေကို ကြာပွတ်နဲ့ရိုက်ပြီး မြေပေါ်ထွက်လာစေတယ်။
များလိုက်တာ၊ များလိုက်တာ။ မြေပြင်တစ်ခုလုံး ချွဲကျိကျိနဲ့ ခြေချစရာ မကျန်အောင်
‘သက်ရှိကောဇော’ ဖြစ်သွားသတဲ့။ ‘အကယ်၍ ဗင်ဂိုးကို ပန်းချီရေးဆွဲနေတုန်း သူရဲ့
သွေးကြောင်းတစ်ချောင်းကို ဖြတ်ပြီး သွေးဖိအားတိုင်းစက်နဲ့ တိုင်းကြည့်ရင် သူ့ပန်းချီကားတွေထဲကလို
လှိုင်းတွေကို တိုင်းထွာချက်မှာ မြင်ရမှာသေချာတယ်။’ ဒါက ဂျပန်ပန်းချီဆရာ ယာနာဝါဂီ ပြောတာ။
အက်ဗဆဒ်ပြဇာတ်ဖခင်တစ်ဦးဖြစ်တဲ့ အာသာအာဒါမော့(ဗ်)က ဟောသလိုဆိုတယ်။
‘လူသားဟာ နားမလည်ဘူးလို့ ရုတ်တရင်သဘောပေါက်သွားတဲ့ အခိုက်မှာ
စတင်နားလည်တော့တာပဲ။ ‘ ဖိစီးမှုအားလုံးရဲ့ နောက်ကွယ်က အာဏာပိုင်တွေဟာ ဖိစိမှုအားလုံးထဲက
မထွက်တတ်ကြတဲ့ အသံတွေပဲ။ မီးခိုးရောင်တိတ်ဆိတ်မှု လွင်ပြင်မှာ အထီးကျန်ရထားတစ်စင်း
အသံကြိတ်ခုတ်မောင်းနေတာ မျက်စိရှေ့ကဖြတ်သွားတယ်။ နှစ်ကိုယ်ထဲသိတဲ့ အတွင်းရေး
ကျောက်သံပတ္တမြားဟာ အများသူငါ ထိန်ချန်ထားကြတဲ့ အရေခွံတွေလည်း ဖြစ်နေပြန်ရော။
လူ့ဘီလူးကြီးရဲ့ ခင်မင်မှုကို လူ့ဘ၀ ဘယ်နှစ်ကန့်ပေးရမလဲ။ ပဋိသရုပ်မှန်ဘ၀အမြင်နဲ့
န၀သရုပ်မှန်ဘ၀ အမြင်ဟာ မျက်စိတစ်ဖက်စီနဲ့ ဇာတ်ရံတစ်ယောက်ပဲ။ တတိယမျက်လုံးရှင်ဟာ
လေထဲပျံဝဲနေတဲ့ ငါးလှလှလေးတွေလည်း ဖြစ်တယ်။ သက်တံရောင်တွေ သူတို့ကိုယ်ပေါ်က
သက်ဆင်းလာကြပြီး ကျွန်တော်တို့ရဲ့ ကြောင်တောင်ကန်းမျက်လုံးခွံတွေပေါ်မှာ
အလဟဿကျကြတယ်။ နယ်ပယ်သစ်လေ့လာရေးဘ၀ ခရီးရှည်ကြီးဟာ ကြီးကျယ်မြင့်မြတ်
ခန်းနားတဲ့ ဆုံးရှုံးမှုမှာပြီးဆုံးတယ်။ တစ်ခုပြီး တစ်ခုပဲ။ လူမှုဟာသဘွဲ့တွေ၊ သရော်စာတွေ၊
ကဗျာတွေ၊ ကြေကွဲပြဇာတ်တွေဟာ မှေးမှိန်သွားကြပြီး သူနဲ့သူမပဲ နောက်ဆုံးညှိုးချုံးခြောက်ကပ်
သွားကြဖှို ကျန်ခဲ့ကြတယ်။ မပြီးဆုံးနိုင်တဲ့ သူတို့နှစ်ဦးဟာ ပကတိပြည့်စုံတဲ့ အချစ်ရဲ့
ကလူနှိပ်စက်ညှင်းပန်းသူနဲ့ ညှင်းပန်းနှိပ်စက်ခံရသူ ကိုယ်စီနဲ့ အခန်းပြောင်းခွင့် ရထား။ ။
ဇေယျာလင်း
ဒီလောက်ဆိုရင်ကိုပဲ ဇေယျာလင်းရဲ့ စကားပြေကဗျာတွေ ဘယ်လိုရှိမယ်ဆိုတာ
ခန့်မှန်းနိုင်ပါပြီ။ ကျန်တာတွေကိုတော့ လမ်းအိုလေးကပဲ ဆက်တင်ပေးသွားပါမယ်။